sru:version: 1.2; sru:query: fcs.rf="mecmua.2_129"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_129"; sru:baseUrl: ; fcs:returnedRecords: 1; fcs:duration: PT0.026S PT0.03S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_129</phrase></query>)];

Bunı andan çoq iḫtiṣār ėtdüm
Gizlü rāzum heb āşikār ėtdüm

Çünki naẓm ehlidür şeh‑i ʿādil
Dürr‑i manẓūma pes olur māʾil

Merdüm[‑]i çeşm[‑]i eşkle ezdüm
Ol sebebden bu cevheri yazdum

Döndi manẓūma nāmı naẓm‑ile‑dür
Dizmedi kimse böyle naẓm‑ile dür

Ger bunuñ tārĭḥi [!] olursa murād
Nüh‑ṣad oldı vü pençle heftād

N’ola vėrsem bunı o sulṭāna
Mālik‑i ḫātem‑i Süleymānaa

ʿĀleme pādişāh ḥükmi revān
Memleket cismine olubdur cān

İki ʿālemde ber‑murād olsun
Kārı ḫalq üzre ʿadl ü dād olsun

Vėrdi devlet ḫudā bi‑ḥamdi llāh
Qapusında qul oldı mihr‑ile māh

Ḥācetüm bu idi revā oldı
Rubʿ‑i meskūna pādişāh oldı

Her göñülden maqāmı ṣadr oldı
Baḫtı gibi cemāli bedr oldı

Çünki qalbümde mihri ėtdi qarār
Düşdi şevqi derūnına leyl ü nehār

Diledüm kim anuñ zemānında
Ol şehüñ sāye‑i emānında

ʿİlm‑i ṭıbbuñ gereklü cevherini
Fenn‑i ḥikmetde sözüñ enverini

Şol mücerreb kim ėtmişem tekrār
Seyf‑i qāṭiʿ gibi keser her bār

Şol emrāża her birer dermān
Yazmışam ger şifā vėre raḥmān

Kütüb‑i ṭıb şehā iñen çoqdur
Böyle rengīn muḫtaṣar yoqdur

Qanda kim ola bu kitāb‑i lebīb
Lāzım olmaya anda ġayri ṭabīb

dībāce‑i kitāb

Gel Nidāyī kelāmı muḫtaṣar ėt
Bu cihānda gereklü bir es̱er ėt